ପ୍ଲାଷ୍ଟିକ୍ ଇଞ୍ଜିନିୟର

ପ୍ଲାଷ୍ଟିକ୍ ଇଞ୍ଜିନିୟର

ପ୍ଲାଷ୍ଟିକ୍ ଇଞ୍ଜିନିୟରମାନେ ପ୍ଲାଷ୍ଟିକର ଗୁଣଧର୍ମ, ଉତ୍ପାଦନ ଏବଂ ଏହାର ପ୍ରୟୋଗ ବିଷୟରେ ଅଧ୍ୟୟନ କରନ୍ତି। ପ୍ଲାଷ୍ଟିକ୍ କିପରି ପ୍ରସ୍ତୁତ, ପ୍ରକ୍ରିୟାକରଣ ଏବଂ ବିଭିନ୍ନ କାର୍ଯ୍ୟକ୍ଷମ ଉତ୍ପାଦରେ ରୂପାନ୍ତରିତ ହୁଏ, ସେହି ବିଷୟ ବୁଝିବା ଉପରେ ସେମାନେ ଧ୍ୟାନ ଦିଅନ୍ତି। ସେମାନଙ୍କର ବିଶେଷଜ୍ଞତା ସୁନିଶ୍ଚିତ କରେ ଯେ ପ୍ଲାଷ୍ଟିକ୍ ସାମଗ୍ରୀଗୁଡ଼ିକ ଅଟୋମୋବାଇଲ୍ (ଯାନବାହନ), ପ୍ୟାକେଜିଂ, ଗ୍ରାହକ ସାମଗ୍ରୀ ଏବଂ ସ୍ୱାସ୍ଥ୍ୟସେବା ପରି ବିଭିନ୍ନ ଶିଳ୍ପରେ ବ୍ୟବହାର ପାଇଁ ସ୍ଥାୟୀ, ନିରାପଦ ଏବଂ ଦକ୍ଷ ଅଟେ। ନୂତନ କୌଶଳ ଏବଂ ସ୍ଥାୟୀ ବା ପରିବେଶ ଅନୁକୂଳ ସମାଧାନ (sustainable solutions) ଉଦ୍ଭାବନ କରି, ପ୍ଲାଷ୍ଟିକ୍ ଇଞ୍ଜିନିୟରମାନେ ପ୍ଲାଷ୍ଟିକ୍ ବ୍ୟବହାର ସହିତ ଜଡ଼ିତ ପରିବେଶ ସମ୍ବନ୍ଧୀୟ ଚିନ୍ତାଧାରାକୁ ଦୂର କରିବା ସହ ଉତ୍ପାଦର ନକ୍ସା ପ୍ରସ୍ତୁତିରେ ଉନ୍ନତି ଆଣିବାରେ ସାହାଯ୍ୟ କରନ୍ତି।

ଆବଶ୍ୟକ ଦକ୍ଷତା

• ବୈଷୟିକ ଦକ୍ଷତା 

• ସମାଲୋଚନାତ୍ମକ ଚିନ୍ତାଧାରା ଦକ୍ଷତା 

• ଯୋଗାଯୋଗ ଦକ୍ଷତା 

• ସମୟ ପରିଚାଳନା ଦକ୍ଷତା 

• ସାଙ୍ଗଠନିକ ଦକ୍ଷତା

ସଫଳତା କାହାଣୀ

ଅମର ମହାନ୍ତି ଓଡ଼ିଶାରେ ଜନ୍ମଗ୍ରହଣ କରିଥିଲେ। ସେ ଭୁବନେଶ୍ୱରର କ୍ୟାପିଟାଲ ହାଇସ୍କୁଲ ଏବଂ ପରବର୍ତ୍ତୀ ସମୟରେ ଉତ୍କଳ ବିଶ୍ୱବିଦ୍ୟାଳୟରେ ଅଧ୍ୟୟନ କରିଥିଲେ। ସେ ୧୯୭୮ ମସିହାରେ ରସାୟନ ବିଜ୍ଞାନରେ ସ୍ନାତକ, ୧୯୮୦ ମସିହାରେ ପଲିମର କେମିଷ୍ଟ୍ରିରେ ସ୍ନାତକୋତ୍ତର ଏବଂ ୧୯୮୭ ମସିହାରେ ରସାୟନ ବିଜ୍ଞାନରେ ପିଏଚଡି (PhD) ସମାପ୍ତ କରିଥିଲେ।

ସେ ବର୍ତ୍ତମାନ କାନାଡାର ୟୁନିଭର୍ସିଟି ଅଫ୍ ଗୁଲଫ୍ (University of Guelph) ରେ ଜଣେ ପ୍ରଫେସର ଭାବରେ କାର୍ଯ୍ୟରତ। ସେ ବିଭିନ୍ନ ଗଛ, ବର୍ଜ୍ୟବସ୍ତୁ ଏବଂ ପ୍ଲାଷ୍ଟିକରୁ ପରିବେଶ ଅନୁକୂଳ ସାମଗ୍ରୀ (eco-friendly materials) ତିଆରି କରିବା ଦିଗରେ କାର୍ଯ୍ୟ କରୁଛନ୍ତି। ସେ ଆମେରିକା ଏବଂ ବ୍ରିଟେନରେ ମଧ୍ୟ ଶିକ୍ଷାଦାନ କରନ୍ତି। ସେ ଅନେକ ଗବେଷଣା ପତ୍ର ଲେଖିଛନ୍ତି, ଅନେକ ପେଟେଣ୍ଟ୍‌ (patents) ର ଅଧିକାରୀ ଅଟନ୍ତି ଏବଂ ସ୍ଥାୟୀ ସାମଗ୍ରୀ (sustainable materials) କ୍ଷେତ୍ରରେ ନିଜର ଅସାଧାରଣ କାର୍ଯ୍ୟ ପାଇଁ ଅନେକ ଗୁରୁତ୍ୱପୂର୍ଣ୍ଣ ସମ୍ମାନରେ ସମ୍ମାନିତ ହୋଇଛନ୍ତି।

ଉତ୍ସ