ପାଲିଏଟିଭ୍ ଏବଂ ବାର୍ଦ୍ଧକ୍ୟ ଚିକିତ୍ସା ସହାୟକ

ପାଲିଏଟିଭ୍ ଏବଂ ବାର୍ଦ୍ଧକ୍ୟ ଚିକିତ୍ସା ସହାୟକ

NCS Code: 5322.9900

ପାଲିଏଟିଭ୍ ଏବଂ ଜେରିଆଟ୍ରିକ୍ କେୟାର୍ (ବାର୍ଦ୍ଧକ୍ୟ ଚିକିତ୍ସା ସହାୟକ) ମୁଖ୍ୟତଃ ବୟସ୍କ ବ୍ୟକ୍ତି ଏବଂ ଦୀର୍ଘକାଳୀନ କିମ୍ବା ମାରାତ୍ମକ ରୋଗରେ ପୀଡ଼ିତ ରୋଗୀଙ୍କ ଜୀବନଧାରଣର ମାନରେ ଉନ୍ନତି ଆଣିବା ଉପରେ ଧ୍ୟାନ ଦେଇଥାଏ। ଏଥିରେ ରୋଗୀର ଯନ୍ତ୍ରଣା ଓ ଅନ୍ୟାନ୍ୟ ଲକ୍ଷଣର ପରିଚାଳନା କରିବା ସହିତ ସେମାନଙ୍କର ମାନସିକ ସ୍ୱାସ୍ଥ୍ୟର ଯତ୍ନ ନିଆଯାଏ ଏବଂ ରୋଗୀ ଓ ସେମାନଙ୍କ ପରିବାରକୁ ସାମଗ୍ରିକ ସହାୟତା ପ୍ରଦାନ କରାଯାଏ। ସମନ୍ୱିତ ସ୍ୱାସ୍ଥ୍ୟସେବା ଏବଂ ବ୍ୟକ୍ତିଗତ ଚିକିତ୍ସା ଯୋଜନା ମାଧ୍ୟମରେ ଶାରୀରିକ, ମାନସିକ ଏବଂ ସାମାଜିକ ଆବଶ୍ୟକତାକୁ ପୂରଣ କରି ରୋଗୀଙ୍କୁ ସହାନୁଭୂତିପୂର୍ଣ୍ଣ ସେବା, ସମ୍ମାନ ଏବଂ ଆରାମ ପ୍ରଦାନ କରିବା ଏହି କ୍ଷେତ୍ରର ମୁଖ୍ୟ ଲକ୍ଷ୍ୟ।

ଆବଶ୍ୟକ ଦକ୍ଷତା

• ଦୟା ଏବଂ ସହାନୁଭୂତି 

• ଯୋଗାଯୋଗ ଏବଂ ପରାମର୍ଶ ଦକ୍ଷତା

• ରୋଗୀଙ୍କ ଯତ୍ନ ଏବଂ ଯନ୍ତ୍ରଣା ପରିଚାଳନା

• ଡାକ୍ତର ଏବଂ ନର୍ସମାନଙ୍କ ସହ ଦଳଗତ କାର୍ଯ୍ୟ 

• ମାନସିକ ସହନଶୀଳତା 

• ନିଷ୍ପତ୍ତି ନେବା ଏବଂ ସମସ୍ୟା ସମାଧାନ ଦକ୍ଷତା

• ବୃଦ୍ଧାବସ୍ଥା ରୋଗ ବିଷୟରେ ଜ୍ଞାନ

ସଫଳତା କାହାଣୀ

ଡାକ୍ତର ଏମ୍. ଆର. ରାଜଗୋପାଳଙ୍କୁ ଭାରତରେ ଯନ୍ତ୍ରଣା ଉପଶମ ଏବଂ ଜୀବନର ଶେଷ ସମୟର ଯତ୍ନ (End-of-life care) କ୍ଷେତ୍ରରେ ତାଙ୍କର ଅଗ୍ରଣୀ ପ୍ରଚେଷ୍ଟା ପାଇଁ "ଭାରତରେ ପାଲିଏଟିଭ୍ କେୟାର୍‌ର ପିତା" (Father of Palliative Care in India) ଭାବରେ ବ୍ୟାପକ ଭାବେ ଗଣ୍ୟ କରାଯାଏ। ଜଣେ ନିଶ୍ଚେତକ ବିଶେଷଜ୍ଞ (Anaesthesiologist) ଭାବରେ ନିଜର କ୍ୟାରିୟର୍ ଆରମ୍ଭ କରି, ସେ ପରବର୍ତ୍ତୀ ସମୟରେ ମାରାତ୍ମକ ରୋଗରେ ପୀଡ଼ିତ ରୋଗୀଙ୍କ ଯନ୍ତ୍ରଣା ଦୂର କରିବା ପାଇଁ ନିଜକୁ ସମର୍ପିତ କରିଥିଲେ। ସେ 'ପେନ୍ ଆଣ୍ଡ୍ ପାଲିଏଟିଭ୍ କେୟାର୍ ସୋସାଇଟି'ର ସହ-ପ୍ରତିଷ୍ଠାତା ଏବଂ ଏହି ସେବାକୁ ଅଧିକ ଲୋକଙ୍କ ପାଖରେ ପହଞ୍ଚାଇବା ପାଇଁ ୨୦୦୩ ମସିହାରେ 'ପାଲିୟମ୍ ଇଣ୍ଡିଆ' (Pallium India) ପ୍ରତିଷ୍ଠା କରିଥିଲେ। ତାଙ୍କର ପ୍ରୟାସ ଯୋଗୁଁ ଭାରତର ନିଶାଦ୍ରବ୍ୟ ଆଇନରେ ସଂଶୋଧନ ସହିତ ଅନେକ ପ୍ରମୁଖ ନୀତିଗତ ପରିବର୍ତ୍ତନ ଆସିପାରିଛି, ଯାହାଦ୍ୱାରା ଯନ୍ତ୍ରଣା ନିବାରକ ଔଷଧର ଉପଲବ୍ଧତା ସହଜ ହୋଇଛି। ୨୦୧୮ ମସିହାରେ 'ପଦ୍ମଶ୍ରୀ' ସମ୍ମାନରେ ସମ୍ମାନିତ ଡାକ୍ତର ରାଜଗୋପାଳଙ୍କ କାର୍ଯ୍ୟ ସମଗ୍ର ଭାରତରେ ପାଲିଏଟିଭ୍ କେୟାର୍‌ର ରୂପରେଖ ବଦଳାଇ ଦେଇଛି।

ଉତ୍ସ