ମେକଅପ୍ ଆର୍ଟିଷ୍ଟ

ମେକଅପ୍ ଆର୍ଟିଷ୍ଟ

NCS Code: 3435.0400

ଜଣେ ମେକଅପ୍ ଆର୍ଟିଷ୍ଟ ଫ୍ୟାଶନ୍, ଚଳଚ୍ଚିତ୍ର, ବିବାହ, ଗଣମାଧ୍ୟମ ଏବଂ ବ୍ୟକ୍ତିଗତ ସଜ୍ଜା ପାଇଁ ବିଭିନ୍ନ ପ୍ରସାଧନ ସାମଗ୍ରୀ ବ୍ୟବହାର କରି ଜଣେ ବ୍ୟକ୍ତିବିଶେଷଙ୍କ ରୂପକୁ ଆହୁରି ସୁନ୍ଦର ଓ  ଆକର୍ଷଣୀୟ କରନ୍ତି । ସେମାନେ ତ୍ୱଚାର ପ୍ରକାର ବିଶ୍ଳେଷଣ କରନ୍ତି, ମେକଅପ୍ କୌଶଳ ପ୍ରୟୋଗ କରନ୍ତି, ସ୍ୱଚ୍ଛତା ମଧ୍ୟ ରକ୍ଷା କରନ୍ତି ଏବଂ ବିଭିନ୍ନ ଅବସର ଅନୁଯାୟୀ ଆକର୍ଷଣୀୟ ରୂପ ପ୍ରଦାନ କରନ୍ତି ।

ଆବଶ୍ୟକ ଦକ୍ଷତା

• ବିଶ୍ଳେଷଣାତ୍ମକ ଚିନ୍ତାଧାରା 

• ସମସ୍ୟା ସମାଧାନ ଏବଂ ଦଳଗତ କାର୍ଯ୍ୟ

• ଯୋଗାଯୋଗ ଦକ୍ଷତା 

• ସୃଜନଶୀଳତା ଏବଂ ଅନୁକୂଳତା

ସଫଳତା କାହାଣୀ

ଓଡ଼ିଶାର ଏକ ଛୋଟ ଗାଁରୁ ବଲିଉଡ୍‌ ଦୁନିଆ ପର୍ଯ୍ୟନ୍ତ ଦୀପକ ନାୟକଙ୍କ ଯାତ୍ରା ସଂଘର୍ଷ ଏବଂ ଦୃଢ଼ ସଂକଳ୍ପର ଏକ ପ୍ରେରଣାଦାୟୀ କାହାଣୀ । ଏକ ଗରିବ ପରିବାରରେ ଜନ୍ମଗ୍ରହଣ କରିଥିବା ଦୀପକ ଓଡ଼ିଶାର ମହାବାତ୍ୟା ପରେ ପରିବାର ଚଳାଇବା ପାଇଁ ଅନେକ ଛୋଟମୋଟ କାମ କରିଥିଲେ । ମାମୁଁଙ୍କ ପ୍ରୋତ୍ସାହନରେ ସେ ଓଲିଉଡ୍‌ରେ ପ୍ରବେଶ କରିଥିଲେ ଏବଂ ଜଣେ ମେକଅପ୍ ଆର୍ଟିଷ୍ଟ ଭାବରେ ନିଜର ଦକ୍ଷତା ପ୍ରତିପାଦିତ କରି ସିଦ୍ଧାନ୍ତ ମହାପାତ୍ରଙ୍କ ପରି କଳାକାରଙ୍କ ସହ କାମ କରିଥିଲେ । ତାଙ୍କର ପ୍ରତିଭା ତାଙ୍କୁ ବଲିଉଡ୍ ପର୍ଯ୍ୟନ୍ତ ନେଇଗଲା, ଯେଉଁଠାରେ ସେ 'ହର ହର ମହାଦେବ' ଏବଂ 'ହୀରାମଣ୍ଡି' ପରି ବଡ଼ ପ୍ରୋଜେକ୍ଟରେ କାମ କରିଛନ୍ତି ଏବଂ ବର୍ତ୍ତମାନ ସେ ଅଭିନେତ୍ରୀ ସୋନାରିକା ଭଦୋରିଆଙ୍କ ବ୍ୟକ୍ତିଗତ ମେକଅପ୍ ଆର୍ଟିଷ୍ଟ ଭାବେ କାର୍ଯ୍ୟରତ ।

ଉତ୍ସ