ପାଣିପାଗ ବିଜ୍ଞାନୀ

ପାଣିପାଗ ବିଜ୍ଞାନୀ

NCS Code: NCO-2015 / 2112.0100

ପାଣିପାଗ ବିଜ୍ଞାନୀ ମାନେ ବାୟୁମଣ୍ଡଳୀୟ ଅବସ୍ଥା, ପାଣିପାଗର ଧାରା ବା ଶୈଳୀ, ଜଳବାୟୁ ପ୍ରଣାଳୀ , ବାୟୁର ଗୁଣବତ୍ତା ଏବଂ ବାୟୁମଣ୍ଡଳର ଆଚରଣ ବିଷୟରେ ଅଧ୍ୟୟନ କରନ୍ତି । ସେମାନେ ଉପଗ୍ରହ, ପାଣିପାଗ କେନ୍ଦ୍ର,ରାଡାର୍ ଏବଂରେଡିଓସୋଣ୍ଡରୁ (Radiosondes) ମିଳୁଥିବା ତଥ୍ୟ ସହିତ ଗାଣିତିକ ଓ ଭୌତିକ ମଡେଲ୍‌ଗୁଡ଼ିକୁ ବ୍ୟବହାର କରି ପାଣିପାଗର ପୂର୍ବାନୁମାନ କରନ୍ତି, ସତର୍କ ସୂଚନା ଜାରି କରନ୍ତି ଏବଂ ବିମାନ ଚଳାଚଳ, କୃଷି, ବିପର୍ଯ୍ୟୟ ପରିଚାଳନା ଓ ପ୍ରତିରକ୍ଷା କ୍ଷେତ୍ରରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେବାରେ ସହାୟତା କରିଥାନ୍ତି।

ଆବଶ୍ୟକ ଦକ୍ଷତା

• ବାୟୁମଣ୍ଡଳୀୟ ବିଜ୍ଞାନର ମୌଳିକ ଜ୍ଞାନ

• ସାଂଖ୍ୟିକ ପାଣିପାଗ ପୂର୍ବାନୁମାନ 

• ରିମୋଟ୍ ସେନ୍ସିଂ ଏବଂ ତଥ୍ୟ ବିଶ୍ଳେଷଣ 

• ଜଳବାୟୁ ବିଶ୍ଳେଷଣ ଏବଂ ମଡେଲିଂ 

• ବିପର୍ଯ୍ୟୟ ପାଣିପାଗ ବିଜ୍ଞାନ ଏବଂ ସତର୍କ ସୂଚନା ଆଦାନପ୍ରଦାନ 

• ବୈଷୟିକ ରିପୋର୍ଟ ଲିଖନ ଏବଂ ଉପସ୍ଥାପନା ଦକ୍ଷତା

ସଫଳତା କାହାଣୀ

ଓଡ଼ିଶାର ଜଣେ ବିଶିଷ୍ଟ ପାଣିପାଗ ଏବଂ ଜଳବାୟୁ ବିଜ୍ଞାନୀ ଡକ୍ଟର ଶରତ ଚନ୍ଦ୍ର ସାହୁ, ଭାରତୀୟ ପାଣିପାଗ ବିଭାଗ (IMD) ରେ ତାଙ୍କର ଗୁରୁତ୍ୱପୂର୍ଣ୍ଣ କାର୍ଯ୍ୟ ପାଇଁ ବେଶ୍ ପରିଚିତ । ଉତ୍କଳ ବିଶ୍ୱବିଦ୍ୟାଳୟ, ଭୁବନେଶ୍ୱରରୁ ପଦାର୍ଥ ବିଜ୍ଞାନରେ BSc ଏବଂ MSc ଡିଗ୍ରୀ ହାସଲ କରିବା ପରେ, ସେ ଜଣେ ବୈଜ୍ଞାନିକ ଭାବେ IMD ରେ ଯୋଗ ଦେଇଥିଲେ । ପରବର୍ତ୍ତୀ ସମୟରେ ସେ ବଙ୍ଗୋପସାଗରରେ ସୃଷ୍ଟି ହେଉଥିବା କ୍ରାନ୍ତୀୟ ବାତ୍ୟାର ପୂର୍ବାନୁମାନ ଏବଂ ମୌସୁମୀର ପରିବର୍ତ୍ତନଶୀଳତା କ୍ଷେତ୍ରରେ ଜଣେ ଅଗ୍ରଣୀ ବିଶେଷଜ୍ଞ ପାଲଟିଥିଲେ। ସେ ଦୀର୍ଘକାଳୀନ ପାଣିପାଗ ପୂର୍ବାନୁମାନ ପ୍ରଣାଳୀ ରେ ବିଶେଷ ଅବଦାନ ଦେବା ସହ ଅନ୍ତର୍ଜାତୀୟ ପତ୍ରିକାଗୁଡ଼ିକରେ ତାଙ୍କର ଗବେଷଣା ନିବନ୍ଧ ପ୍ରକାଶ କରିଛନ୍ତି। ତାଙ୍କର ଏହି ସଫଳତା ଦର୍ଶାଏ ଯେ କିପରି ଓଡ଼ିଶାର ଛାତ୍ରଛାତ୍ରୀମାନେ ପାଣିପାଗ ଗବେଷଣାର ସର୍ବୋଚ୍ଚ ସ୍ତରରେ ପହଞ୍ଚିପାରିବେ।

ଉତ୍ସ