ନବୀକରଣ ଯୋଗ୍ୟ ଶକ୍ତି ଇଞ୍ଜିନିୟର

ନବୀକରଣ ଯୋଗ୍ୟ ଶକ୍ତି ଇଞ୍ଜିନିୟର

ଜଣେ ନବୀକରଣଯୋଗ୍ୟ ଶକ୍ତି ଇଞ୍ଜିନିୟର ସୌର, ପବନ, ଜଳବିଦ୍ୟୁତ୍, ଭୂ-ତାପଜ (geothermal) ଏବଂ ଜୈବଶକ୍ତି (bioenergy) ଭଳି ସ୍ଥାୟୀ ଉତ୍ସରୁ ଶକ୍ତି ଉତ୍ପାଦନ କରୁଥିବା ପ୍ରଯୁକ୍ତିବିଦ୍ୟାର ରୂପରେଖ ପ୍ରସ୍ତୁତ କରିବା, ବିକାଶ କରିବା ଏବଂ ଏହାର କାର୍ଯ୍ୟକାରିତା କ୍ଷେତ୍ରରେ ବିଶେଷଜ୍ଞତା ହାସଲ କରିଥାନ୍ତି। ଏହି ପେସାଦାରମାନେ ଶକ୍ତି ଦକ୍ଷତା ବୃଦ୍ଧି କରିବା, ପରିବେଶ ଉପରେ ପଡ଼ୁଥିବା କୁପ୍ରଭାବକୁ ହ୍ରାସ କରିବା ଏବଂ ସ୍ୱଚ୍ଛ ଶକ୍ତି ବ୍ୟବସ୍ଥା ଆଡ଼କୁ ବିଶ୍ୱସ୍ତରୀୟ ପରିବର୍ତ୍ତନକୁ ସମର୍ଥନ କରିବା ପାଇଁ କାର୍ଯ୍ୟ କରନ୍ତି।

ଆବଶ୍ୟକ ଦକ୍ଷତା

• ବିଶ୍ଳେଷଣାତ୍ମକ ଚିନ୍ତାଧାରା

• ସମସ୍ୟା ସମାଧାନ କୌଶଳ

• ପରିବର୍ତ୍ତିତ ପରିସ୍ଥିତି ସହ ନିଜକୁ ଖାପଖୁଆଇ ଚଳିବା ଏବଂ ନୂତନ ଚିନ୍ତାଧାରା ବା ପ୍ରଣାଳୀର ପ୍ରୟୋଗ କରିବା।

• ପରିବେଶ ସଚେତନତା ଏବଂ ନୈତିକତା

• ଏକାଠି ମିଶି କାର୍ଯ୍ୟ କରିବା ଏବଂ ଅନ୍ୟ ସହଯୋଗୀମାନଙ୍କ ସହ ସମନ୍ୱୟ ରକ୍ଷା କରିବା।

• ପ୍ରକଳ୍ପ ପରିଚାଳନା କୌଶଳ

ସଫଳତା କାହାଣୀ

ଓଡ଼ିଶାର କେନ୍ଦୁଝର ଜିଲ୍ଲାସ୍ଥିତ କରଦାଳପାଳ ଗ୍ରାମରେ କୁନ୍ନି ଦେଉରୀ ଏକ ଉଲ୍ଲେଖନୀୟ ପଦକ୍ଷେପ ଗ୍ରହଣ କରିଛନ୍ତି, ଯାହା ପାରମ୍ପରିକ ହସ୍ତକଳା ସହିତ ସ୍ଥାୟୀ ଶକ୍ତିର ଏକ ଅପୂର୍ବ ସମନ୍ୱୟ। ସେ ସେଠାକାର ଆଦିବାସୀ ମହିଳାମାନଙ୍କୁ ବିଦ୍ୟୁତ୍ ଖର୍ଚ୍ଚର ବୋଝରୁ ମୁକ୍ତ କରି ରେଶମ ଉତ୍ପାଦନରେ ସାହାଯ୍ୟ କରିବା ପାଇଁ ସୌରଶକ୍ତି ଚାଳିତ ରେଶମ ସୂତା କଟା ମେସିନ୍ (Solar-powered silk reeling machines) ପ୍ରଚଳନ କରିଛନ୍ତି। ଏହି ଅଭିନବ ଚିନ୍ତାଧାରା ପରିବେଶକୁ ସୁରକ୍ଷିତ ରଖିବା ସହିତ ସମ୍ପୃକ୍ତ ମହିଳାମାନଙ୍କ ପାଇଁ ଏକ ସ୍ଥାୟୀ ଆୟର ଉତ୍ସ ଯୋଗାଇ ଦେଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାଙ୍କର 'ମନ୍ କି ବାତ୍' ରେଡିଓ କାର୍ଯ୍ୟକ୍ରମରେ କୁନ୍ନିଙ୍କ ଏହି ପ୍ରୟାସକୁ ଉଚ୍ଚ ପ୍ରଶଂସା କରିଛନ୍ତି ଏବଂ ଗ୍ରାମୀଣ ଜୀବିକାର ରୂପାନ୍ତରଣରେ ସୌରଶକ୍ତିର ଗୁରୁତ୍ୱପୂର୍ଣ୍ଣ ଭୂମିକା ଉପରେ ଗୁରୁତ୍ୱାରୋପ କରିଛନ୍ତି। ପାରମ୍ପରିକ ରେଶମ ସୂତା କଟା ପଦ୍ଧତି ସହିତ ସୌର ପ୍ରଯୁକ୍ତିବିଦ୍ୟାକୁ ଯୋଡ଼ି କୁନ୍ନି ଗ୍ରାମୀଣ ଭାରତରେ ସ୍ଥାୟୀ ଉଦ୍ୟୋଗ ପାଇଁ ଏକ ନୂତନ ଉଦାହରଣ ସୃଷ୍ଟି କରିଛନ୍ତି।

ଉତ୍ସ