ଖଣିଜ ବିଜ୍ଞାନୀ

ଖଣିଜ ବିଜ୍ଞାନୀ

NCS Code: 2114.0600

ଖଣିଜ ବିଜ୍ଞାନୀ ମାନେ ବିଭିନ୍ନ ଖଣିଜ ପଦାର୍ଥର ସଂରଚନା, ଗଠନ, ଗୁଣଧର୍ମ, ଉତ୍ପତ୍ତି ଏବଂ ଅର୍ଥନୈତିକ ମୂଲ୍ୟକୁ ବୁଝିବା ପାଇଁ ସେଗୁଡ଼ିକର ପରୀକ୍ଷା, ବିଶ୍ଳେଷଣ ଏବଂ ଶ୍ରେଣୀଭୁକ୍ତ କରିଥାନ୍ତି । ଭାରତରେ, ଖଣିଜ ବିଜ୍ଞାନୀମାନେ ଖଣିଜ ଅନ୍ଵେଷଣ, ଧାତୁପିଣ୍ଡର ବୈଶିଷ୍ଟ୍ୟକରଣ , ପରୀକ୍ଷାଗାର ବିଶ୍ଳେଷଣ, ଗବେଷଣା ପ୍ରତିଷ୍ଠାନ, ଖଣିଜ ସହାୟତା ସେବା, ସରକାରୀ ଭୂବିଜ୍ଞାନ ବିଭାଗ ଏବଂ ବିଶ୍ୱବିଦ୍ୟାଳୟଗୁଡ଼ିକରେ କାର୍ଯ୍ୟ କରନ୍ତି । ସେମାନଙ୍କର କାର୍ଯ୍ୟ ପ୍ରାୟତଃ ଖଣିଜ ସମ୍ପଦର ମାନଚିତ୍ର ପ୍ରସ୍ତୁତି , ଦାୟିତ୍ୱବାନ ଭାବେ ଖଣିଜ ଉତ୍ତୋଳନ, ଶିଳ୍ପଗତ ଗୁଣବତ୍ତା ନିୟନ୍ତ୍ରଣ ଏବଂ ବୈଜ୍ଞାନିକ ଗବେଷଣାରେ ସହାୟକ ହୋଇଥାଏ।

ଆବଶ୍ୟକ ଦକ୍ଷତା

• ଖଣିଜ ଚିହ୍ନଟ ଏବଂ ସ୍ଫଟିକ ବିଜ୍ଞାନ (Crystallography)

• ଲାବୋରେଟୋରୀ ବିଶ୍ଳେଷଣ

• କ୍ଷେତ୍ର ମାନଚିତ୍ର ପ୍ରସ୍ତୁତି (Field Mapping) ଏବଂ ନମୁନା ସଂଗ୍ରହ

• ଭୂ-ରସାୟନ ବିଜ୍ଞାନ (Geochemistry) ଏବଂ ଖଣିଜ ଜମା ବିଷୟରେ ଜ୍ଞାନ

• GIS, ତଥ୍ୟ ପରିଚାଳନା ଏବଂ ରିପୋର୍ଟ ପ୍ରସ୍ତୁତି

• ସୁରକ୍ଷା, ପରିବେଶ ଏବଂ ନୈତିକତା

ସଫଳତା କାହାଣୀ

ଏନ୍. ଭି. ଚଳପଥି ରାଓ ଜଣେ ବିଶିଷ୍ଟ ଭାରତୀୟ ଭୂବିଜ୍ଞାନୀ, ଯିଏ ଭୂବିଜ୍ଞାନ , ପେଟ୍ରୋଲୋଜି (Petrology - ଶିଳା ବିଜ୍ଞାନ), ଭୂ-ରସାୟନ ଏବଂ ଖଣିଜ ବିଜ୍ଞାନ କ୍ଷେତ୍ରରେ ତାଙ୍କର ଗୁରୁତ୍ୱପୂର୍ଣ୍ଣ ଅବଦାନ ପାଇଁ ବେଶ୍ ପରିଚିତ । ସେ ଓସମାନିଆ ବିଶ୍ୱବିଦ୍ୟାଳୟରୁ ଭୂବିଜ୍ଞାନରେ ତାଙ୍କର B.Sc. ଏବଂ M.Sc. ସମ୍ପୂର୍ଣ୍ଣ କରିଥିଲେ ଏବଂ ଓସମାନିଆ ବିଶ୍ୱବିଦ୍ୟାଳୟ ଓ କେମ୍ବ୍ରିଜ୍ ବିଶ୍ୱବିଦ୍ୟାଳୟରୁ ଡକ୍ଟରାଲ୍  ଡିଗ୍ରୀ ହାସଲ କରିଥିଲେ । 'ଭାରତୀୟ ଖଣି ବ୍ୟୁରୋ' ରେ କାର୍ଯ୍ୟ କରିବା ଠାରୁ ଆରମ୍ଭ କରି ପ୍ରତିଷ୍ଠିତ ଗବେଷଣା ପ୍ରତିଷ୍ଠାନଗୁଡ଼ିକର ନେତୃତ୍ୱ ନେବା ପର୍ଯ୍ୟନ୍ତ, ତାଙ୍କର ଏହି ସଫଳ ଯାତ୍ରା ଦର୍ଶାଏ ଯେ କିପରି ଭୂବିଜ୍ଞାନ କ୍ଷେତ୍ରରେ ବିଶେଷଜ୍ଞତା ବିଜ୍ଞାନ, ଗବେଷଣା ଏବଂ ଶୈକ୍ଷିକ ନେତୃତ୍ୱ କ୍ଷେତ୍ରରେ ଏକ ପ୍ରଭାବଶାଳୀ କ୍ୟାରିୟର ଗଢ଼ିପାରେ।

ଉତ୍ସ