ବୃତ୍ତି

ଗେମ୍ ଡିଜାଇନର୍

NCS Code: 2166.0501

ଜଣେ ଗେମ୍ ଡିଜାଇନର୍ ଭିଡିଓ ଗେମ୍‌ର ମୂଳ ଧାରଣା, ନିୟମ ଏବଂ ପାରସ୍ପରିକ ଅନୁଭୂତି (Interactive experiences) ସୃଷ୍ଟି କରନ୍ତି, ଯେଉଁଥିରେ ଗେମପ୍ଲେ ମେକାନିକ୍ସ, କାହାଣୀ, ସ୍ତର (Levels), ଚରିତ୍ର ଏବଂ ବ୍ୟବହାରକାରୀଙ୍କ ସମ୍ପୃକ୍ତିକୁ ସେ ନିର୍ଦ୍ଧାରଣ କରନ୍ତି । ସେମାନେ ମୋବାଇଲ୍, ପି.ସି. (ପର୍ସନାଲ କମ୍ପ୍ୟୁଟର) ଏବଂ କନସୋଲ୍ ପରି ବିଭିନ୍ନ ପ୍ଲାଟଫର୍ମରେ ଆକର୍ଷଣୀୟ ଡିଜିଟାଲ୍ ଗେମ୍ ପ୍ରସ୍ତୁତ କରିବା ପାଇଁ ବିଭିନ୍ନ ବିଭାଗର ଟିମ୍ ସହିତ କାର୍ଯ୍ୟ କରନ୍ତି । ଏହି ଭୂମିକାରେ ମଜାଦାର ତଥା ଉନ୍ନତମାନର ବ୍ୟବହାରକାରୀ ଅନୁଭୂତି ପାଇଁ ସୃଜନଶୀଳତା ସହିତ ବୈଷୟିକ ଡିଜାଇନ୍‌ର ସମନ୍ୱୟ ରକ୍ଷା କରାଯାଏ।

ଆବଶ୍ୟକ ଦକ୍ଷତା :

• ଗେମ୍ ମେକାନିକ୍ସ ଏବଂ ସିଷ୍ଟମ୍ ଡିଜାଇନ୍

• ୟୁନିଟି (Unity) କିମ୍ବା ଅନରିଅଲ୍ ଇଞ୍ଜିନ୍ (Unreal Engine) [୨ଡି ଏବଂ ୩ଡି ଗେମ୍ ଡେଭଲପମେଣ୍ଟ]

• ଗେମ୍ ପାଇଁ ଲେଭଲ୍ ଡିଜାଇନ୍ ଏବଂ ୟୁ.ଏକ୍ସ. (ୟୁଜର୍ ଏକ୍ସପିରିଏନ୍ସ)

• C#, C++, କିମ୍ବା GD ସ୍କ୍ରିପ୍ଟରେ ସ୍କ୍ରିପ୍ଟିଂ

• କନସେପ୍ଟ ଆର୍ଟ, ପ୍ରୋଟୋଟାଇପିଂ ଏବଂ ପ୍ଲେ-ଟେଷ୍ଟିଂ

• ଖେଳାଳିଙ୍କ ମନୋବିଜ୍ଞାନ ଏବଂ ଏନ୍ଗେଜମେଣ୍ଟ ଲୁପ୍‌ର ବୁଝାମଣା

ସଫଳତାର କାହାଣୀ

ଓଡ଼ିଶାରେ ଜନ୍ମିତ ରୌନକ ବାଗ୍ଗା ବିଶେଷଜ୍ଞ ଶିକ୍ଷା ଏବଂ ବ୍ୟବହାରିକ ଉଦ୍ୟୋଗିତା ମାଧ୍ୟମରେ ଗେମ୍ ଡିଜାଇନ୍ କ୍ଷେତ୍ରରେ ଏକ ପ୍ରତିଷ୍ଠିତ କ୍ୟାରିୟର୍ ଗଠନ କରିଛନ୍ତି । ନିଜର ବି.ଟେକ୍. ସମାପ୍ତ କରିବା ପରେ, ସେ ଲଣ୍ଡନର କିଙ୍ଗଷ୍ଟନ୍ ବିଶ୍ୱବିଦ୍ୟାଳୟରୁ ଗେମ୍ ଡିଜାଇନ୍‌ରେ ଏମ୍.ଏ. ଡିଗ୍ରୀ ହାସଲ କରିଥିଲେ । ସେ 'ପ୍ଲେସିମ୍ପଲ୍ ଗେମ୍‌ସ' ରେ ଜଣେ ଗେମ୍ ପ୍ରଡ୍ୟୁସର ଇଣ୍ଟର୍ନ ଭାବରେ ନିଜର ବୃତ୍ତିଗତ ଯାତ୍ରା ଆରମ୍ଭ କରିବା ପୂର୍ବରୁ 'ବୋନ୍ ଗେମ୍ ଷ୍ଟୁଡିଓ' ର ସହ-ପ୍ରତିଷ୍ଠା କରିଥିଲେ । ସେ ବର୍ତ୍ତମାନ 'କୁଲଜେନ୍ ଇଣ୍ଟରାକ୍ଟିଭ୍‌ସ' ର ସି.ଇ.ଓ. (ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ) ଏବଂ ଅବନ୍ତୀକା ବିଶ୍ୱବିଦ୍ୟାଳୟର ଜଣେ ସହକାରୀ ପ୍ରଫେସର ଭାବରେ କାର୍ଯ୍ୟ କରୁଛନ୍ତି, ଯେଉଁଠାରେ ସେ ଗେମ୍ ବିକାଶର ନେତୃତ୍ୱ ନେଉଛନ୍ତି ଏବଂ ନିଜ ରାଜ୍ୟର ଭବିଷ୍ୟତ ଡିଜାଇନର୍‌ମାନଙ୍କୁ ମାର୍ଗଦର୍ଶନ କରୁଛନ୍ତି।

ଉତ୍ସ