ବୃତ୍ତି

ଚକ୍ଷୁ ରୋଗ ବିଶେଷଜ୍ଞ

NCS Code: 2212.0800

ଚକ୍ଷୁ ରୋଗ ବିଶେଷଜ୍ଞ ହେଉଛନ୍ତି ଜଣେ ଡାକ୍ତର (MD କିମ୍ବା DO), ଯିଏ ଆଖି ଏବଂ ଦୃଷ୍ଟିଶକ୍ତିର ଯତ୍ନ ନେବାରେ ବିଶେଷଜ୍ଞ ଅଟନ୍ତି । ସେମାନଙ୍କର ପ୍ରଶିକ୍ଷଣରେ ମେଡିକାଲ୍ ସ୍କୁଲ୍, ଇଣ୍ଟର୍ନସିପ୍ ଏବଂ ଚକ୍ଷୁ ବିଜ୍ଞାନରେ ରେସିଡେନ୍ସି କିମ୍ବା ଫେଲୋସିପ୍ ଅନ୍ତର୍ଭୁକ୍ତ । ଭାରତରେ, ଏହାର ଅର୍ଥ ହେଉଛି ଏମ୍ ବି ବି ଏସ୍ (MBBS) ଏବଂ ପରେ ଚକ୍ଷୁ ଚିକିତ୍ସାରେ ବିଶେଷଜ୍ଞ ସ୍ନାତକୋତ୍ତର (Post-graduate) ପ୍ରଶିକ୍ଷଣ କରିବା ।
 

ଆବଶ୍ୟକ ଦକ୍ଷତା :

• କ୍ଲିନିକାଲ୍ ପରୀକ୍ଷା ଦକ୍ଷତା

• ଶଲ୍ୟ ଚିକିତ୍ସା ବା ଅସ୍ତ୍ରୋପଚାର ଦକ୍ଷତା

• ଯୋଗାଯୋଗ ଦକ୍ଷତା

ସଫଳତାର କାହାଣୀ

ଡାକ୍ତର ଦେବାସ୍ମିତା ମାଝୀ ଓଡ଼ିଶାର ବ୍ରହ୍ମପୁର ବିଶ୍ୱବିଦ୍ୟାଳୟ ଅନ୍ତର୍ଗତ ମହାରାଜା କୃଷ୍ଣ ଚନ୍ଦ୍ର ଗଜପତି ଭେଷଜ ମହାବିଦ୍ୟାଳୟ (MKCG MCH), ବ୍ରହ୍ମପୁର ରୁ ତାଙ୍କର ପ୍ରାଥମିକ ଚିକିତ୍ସା ଶିକ୍ଷା (MBBS) ସମାପ୍ତ କରିଥିଲେ । ଏହା ପରେ ସେ ଉତ୍କଳ ବିଶ୍ୱବିଦ୍ୟାଳୟ ଅନ୍ତର୍ଗତଶ୍ରୀରାମ ଚନ୍ଦ୍ର ଭଞ୍ଜ ଭେଷଜ ମହାବିଦ୍ୟାଳୟ (SCB MCH), କଟକରୁ ଚକ୍ଷୁ ବିଜ୍ଞାନରେ ସ୍ନାତକୋତ୍ତର (Post-graduation) ଶିକ୍ଷା ହାସଲ କରିଥିଲେ । ପରେ ସେ ଭୁବନେଶ୍ୱରସ୍ଥିତ ଏଲ୍. ଭି. ପ୍ରସାଦ ଚକ୍ଷୁ ପ୍ରତିଷ୍ଠାନ (LVPEI) ରୁ କମ୍ପ୍ରିହେନ୍ସିଭ୍ ଅଫଥାଲମୋଲୋଜିରେ ଫେଲୋସିପ୍ ଏବଂ ପରେ ଶିଶୁ ଚକ୍ଷୁ ରୋଗ ବିଜ୍ଞାନ, ଚଷମା ସମସ୍ୟା (Strabismus) ଏବଂ ନ୍ୟୁରୋ-ଅଫଥାଲମୋଲୋଜିରେ ଅନ୍ୟ ଏକ ଫେଲୋସିପ୍ କରିଥିଲେ ।

ପରବର୍ତ୍ତୀ ସମୟରେ ସେ ଏଲ୍. ଭି. ପ୍ରସାଦ ଚକ୍ଷୁ ପ୍ରତିଷ୍ଠାନ (LVPEI), ଭୁବନେଶ୍ୱରରେ ଜଣେ କନ୍‌ସଲ୍ଟାଣ୍ଟ ଅଫଥାଲମୋଲୋଜିଷ୍ଟ ଭାବରେ ଯୋଗ ଦେଇଥିଲେ । ୨୦୧୭-୧୮ ମସିହାରେ, ସେ ଓଡ଼ିଶାର ରାଜଗାଙ୍ଗପୁର ସେକେଣ୍ଡାରୀ ସେଣ୍ଟରର କ୍ଲିନିକାଲ୍ ଇନ୍‌ଚାର୍ଜ ଭାବେ ନିଯୁକ୍ତ ହୋଇଥିଲେ । ବର୍ତ୍ତମାନ ସେ ଭୁବନେଶ୍ୱରସ୍ଥିତ ଏଲ୍. ଭି. ପ୍ରସାଦ ଚକ୍ଷୁ ପ୍ରତିଷ୍ଠାନ(LVPEI)ର ମିଥୁ ତୁଳସୀ ଚାନରାଇ (MTC) କ୍ୟାମ୍ପସରେ ଶିଶୁ ଚକ୍ଷୁ ରୋଗ ବିଶେଷଜ୍ଞ ଭାବେ କାର୍ଯ୍ୟ କରୁଛନ୍ତି ଏବଂ ସ୍ୱଳ୍ପ ଦୃଷ୍ଟିଶକ୍ତି ଓ ପୁନର୍ବାସ ସେବାର ମଧ୍ୟ ନେତୃତ୍ୱ ନେଉଛନ୍ତି । ରୋଗୀଙ୍କ ସେବା ପାଇଁ ସର୍ବଦା ତତ୍ପର ଡକ୍ଟର ମାଝୀ ଆଦିବାସୀ ଶିଶୁମାନଙ୍କ ମଧ୍ୟରେ ଶିଶୁ ମୋତିଆବିନ୍ଦୁ ଏବଂ ନ୍ୟୁରୋ-ଅଫଥାଲମୋଲୋଜି ରୋଗର ଚିକିତ୍ସା କରିବାରେ ବିଶେଷ ରୁଚି ରଖନ୍ତି ।

ଉତ୍ସ