ପଠନ
ବିକଳ୍ପ
ଆଗ୍ରିଟେକ୍ ବିଶେଷଜ୍ଞମାନେ କୃଷି ଉତ୍ପାଦକତା ଏବଂ ସ୍ଥାୟୀତ୍ୱ ବୃଦ୍ଧି ପାଇଁ ଉନ୍ନତ ପ୍ରଯୁକ୍ତିବିଦ୍ୟା ବ୍ୟବହାର କରନ୍ତି । ଡିଜିଟାଲ ଆପ୍ଲିକେସନ୍, କମ୍ପ୍ୟୁଟର ସିଷ୍ଟମ୍, ଡ୍ରୋନ୍ ଓ ସ୍ମାର୍ଟ ଯନ୍ତ୍ରପାତି ଭଳି ଉପକରଣ ବ୍ୟବହାର କରି, ଫସଲ ବୃଦ୍ଧିକୁ ଉନ୍ନତ କରିବା, ସମ୍ବଳ ସଂରକ୍ଷଣ କରିବା ଏବଂ ଅପଚୟକୁ କମ୍ କରିବାରେ ସେମାନେ ଚାଷୀମାନଙ୍କୁ ସାହାଯ୍ୟ କରନ୍ତି । ଆଗ୍ରିଟେକ୍ ବିଶେଷଜ୍ଞଙ୍କର ପ୍ରାଥମିକ ଉଦ୍ଦେଶ୍ୟ ହେଉଛି କୃଷି ପଦ୍ଧତିକୁ ସରଳ କରିବା ଓ ବର୍ଦ୍ଧିତ ବିଶ୍ୱ ଜନସଂଖ୍ୟା ପାଇଁ ଖାଦ୍ୟ ସୁରକ୍ଷା ସୁନିଶ୍ଚିତ କରିବା ସହିତ ଚାଷକୁ ଅଧିକ ଦକ୍ଷ, ଅଭିନବ ଏବଂ ପରିବେଶ ଅନୁସାରେ ସ୍ଥାୟୀ କରିବା ।
କୃଷି ବିଷୟରେ ମୌଳିକ ଜ୍ଞାନ
ବୈଷୟିକ ଦକ୍ଷତା
ତଥ୍ୟ ବିଶ୍ଳେଷଣ
ସମସ୍ୟା ସମାଧାନ
ଉଦ୍ଭାବନ ଏବଂ ସୃଜନଶୀଳତା
ଯୋଗାଯୋଗ ଦକ୍ଷତା
ଅମିତ ନାୟକ
ଭୁବନେଶ୍ୱରର ୧୭ ବର୍ଷୀୟ ଋଷିକେଶ ଅମିତ ନାୟକ, "କିଶାନ ନୋଜ୍" (Kishan Knows) ନାମକ ଏକ ପ୍ରକଳ୍ପ ଉପରେ କାମ କରୁଛନ୍ତି। ଏହି ପ୍ରକଳ୍ପ ମାଧ୍ୟମରେ, ଋଷିକେଶ ଏଭଳି ଏକ ଉତ୍ପାଦ ପ୍ରସ୍ତୁତ କରିଛନ୍ତି ଯାହା ଶସ୍ତା, ସ୍ଥାୟୀ ଏବଂ ଚାଷୀ ଅନୁକୂଳ। ଏହା ପୋକ ଏବଂ ଖାଲି ଆଖିକୁ ଦେଖାଯାଉନଥିବା ଅଣୁଜୀବ (microbes) ମାନଙ୍କ ଦ୍ୱାରା ହେଉଥିବା ଫସଲ କ୍ଷତିକୁ ଚିହ୍ନଟ କରିପାରିବ।
ଏହି ଉତ୍ପାଦଟି ସମସ୍ତ ପ୍ରକାର ଚାଷୀଙ୍କ ପାଇଁ ବ୍ୟବହାର କରିବା ସହଜ, କାରଣ ଏଥିପାଇଁ କୌଣସି ବିଶେଷ ପ୍ରଶିକ୍ଷଣ କିମ୍ବା ଜଟିଳ ନିର୍ଦ୍ଦେଶାବଳୀର ଆବଶ୍ୟକତା ନାହିଁ। ଏହି ଯନ୍ତ୍ରରେ ଥିବା IoT (ଇଣ୍ଟରନେଟ୍ ଅଫ୍ ଥିଙ୍ଗସ୍) ଜ୍ଞାନକୌଶଳ ଏବଂ AI (ଆର୍ଟିଫିସିଆଲ୍ ଇଣ୍ଟେଲିଜେନ୍ସ) ଆଧାରିତ ମଡେଲ୍ ମାତ୍ର ୧୨ ଘଣ୍ଟା ମଧ୍ୟରେ ଅଣୁଜୀବ ଆକ୍ରମଣକୁ ଚିହ୍ନଟ କରିପାରିବ। ଏହା ମଧ୍ୟ ଚାଷ ଜମିର ପ୍ରଭାବିତ ଅଞ୍ଚଳକୁ ସଠିକ୍ ଭାବରେ ଚିହ୍ନଟ କରେ ଏବଂ ସେଠାରେ ଉପଯୁକ୍ତ କୀଟନାଶକ ପ୍ରୟୋଗ କରେ। ଏହି ଯନ୍ତ୍ରଟି ଅତି ଶୀଘ୍ର ଅଣୁଜୀବ ଓ କୀଟମାନଙ୍କୁ ଖୋଜି ବାହାର କରି ସେମାନଙ୍କର ବୃଦ୍ଧିକୁ ରୋକିଥାଏ ଏବଂ ଫସଲ ଶୀଘ୍ର ବଢ଼ିବାରେ ସାହାଯ୍ୟ କରିଥାଏ।
ଅଧିକ ସୂଚନା ପାଇଁ, ଆମର ୟୁଟ୍ୟୁବ୍ ଚ୍ୟାନେଲ୍ ପରିଦର୍ଶନ କରନ୍ତୁ
