ବୃତ୍ତି

ଆକାଉଣ୍ଟାଣ୍ଟ୍

NCS Code: 2411.0100 – Accountant

ଜଣେ ଆକାଉଣ୍ଟାଣ୍ଟ୍ ଆର୍ଥିକ ରେକର୍ଡଗୁଡିକ ଯଥା - ଲେଜର (ledgers), ବାଲାନ୍ସ ସିଟ୍ (balance sheets), ଲାଭ-କ୍ଷତି ହିସାବ (profit-and-loss accounts) ଏବଂ ଟ୍ୟାକ୍ସ ଫାଇଲିଂ ପ୍ରସ୍ତୁତ କରନ୍ତି, ରକ୍ଷଣାବେକ୍ଷଣ କରନ୍ତି ଏବଂ ବିଶ୍ଳେଷଣ କରନ୍ତି । ଏହା ସୁନିଶ୍ଚିତ କରେ ଯେ ସଂଗଠନ ଏବଂ ବ୍ୟକ୍ତିବିଶେଷ ସେମାନଙ୍କର ଆର୍ଥିକ ସ୍ଥିତିକୁ ସଠିକ୍ ଭାବରେ ଜଣାଉଛନ୍ତି ଏବଂ ପ୍ରଚଳିତ ନିୟମଗୁଡିକ ପାଳନ କରୁଛନ୍ତି । ସେମାନେ ଆର୍ଥିକ କାରବାର ଲିପିବଦ୍ଧ କରନ୍ତି, ଆକାଉଣ୍ଟଗୁଡିକର ସମନ୍ୱୟ ରକ୍ଷା କରନ୍ତି, ବୈଧାନିକ ରିଟର୍ଣ୍ଣ ଯଥା - ଜି.ଏସ୍.ଟି. (ଗୁଡ୍‌ସ ଏଣ୍ଡ ସର୍ଭିସେସ୍ ଟ୍ୟାକ୍ସ), ଟି.ଡି.ଏସ୍. (ଟ୍ୟାକ୍ସ ଡିଡକ୍ଟେଡ୍ ଏଟ୍ ସୋର୍ସ), ଆଇ.ଟି.ଆର୍. (ଇନକମ୍ ଟ୍ୟାକ୍ସ ରିଟର୍ଣ୍ଣ) ପ୍ରସ୍ତୁତ କରନ୍ତି, ଅଡିଟ୍‌ରେ ସହାୟତା କରନ୍ତି ଏବଂ ବ୍ୟବସାୟିକ ନିଷ୍ପତ୍ତି ନେବା ପାଇଁ ପରିଚାଳନା କର୍ତ୍ତୃପକ୍ଷଙ୍କୁ ଆର୍ଥିକ ବିଶ୍ଳେଷଣ ପ୍ରଦାନ କରନ୍ତି।

ଆବଶ୍ୟକ ଦକ୍ଷତା :

• ବୁକ୍-କିପିଂ ଏବଂ ଡବଲ୍-ଏଣ୍ଟ୍ରି ଆକାଉଣ୍ଟିଂ 

• ଜି.ଏସ୍.ଟି. - ଗୁଡ୍‌ସ ଆଣ୍ଡ୍ ସର୍ଭିସେସ୍ ଟ୍ୟାକ୍ସ ଏବଂ ପରୋକ୍ଷ କର (Indirect Tax) ବ୍ୟବସ୍ଥା

• ଟାଲି (Tally) ଏବଂ ଆକାଉଣ୍ଟିଂ ସଫ୍ଟୱେର୍

• ଆର୍ଥିକ ବିବରଣୀ (Financial Statement) ପ୍ରସ୍ତୁତି

• ପ୍ରତ୍ୟେକ୍ଷ କର(Direct Taxation) ଏବଂ ଟି.ଡି.ଏସ୍. - ଟ୍ୟାକ୍ସ ଡିଡକ୍ଟେଡ୍ ଏଟ୍ ସୋର୍ସ

• ଅଡିଟ୍ ସହାୟତା ଏବଂ ଆଭ୍ୟନ୍ତରୀଣ ନିୟନ୍ତ୍ରଣ

ସଫଳତାର କାହାଣୀ

ଓଡ଼ିଶାର ଝାରସୁଗୁଡ଼ାରୁ ଆସିଥିବା ସି.ଏ. (ଚାର୍ଟର୍ଡ ଆକାଉଣ୍ଟାଣ୍ଟ୍) ଶଶିକାନ୍ତ ଶର୍ମାଙ୍କ ଜୀବନଯାତ୍ରା କଠିନ ପରିଶ୍ରମ ଏବଂ ଦୃଢ଼ ଇଚ୍ଛାଶକ୍ତିର ଏକ ଜ୍ୱଳନ୍ତ ଉଦାହରଣ। ନିଜର ପାଠପଢ଼ା ଖର୍ଚ୍ଚ ଉଠାଇବା ପାଇଁ ସେ ବହୁ ବର୍ଷ ଧରି ରାସ୍ତା କଡ଼ରେ ନିଜ ଭାଇଙ୍କୁ ସିଙ୍ଗଡ଼ା ବିକ୍ରି କରିବାରେ ସାହାଯ୍ୟ କରୁଥିଲେ ଏବଂ ଦିନକୁ ପ୍ରାୟ ୧୯ ଘଣ୍ଟା ପାଠ ପଢ଼ୁଥିଲେ। ବାରମ୍ବାର ବିଫଳତା ଏବଂ ପ୍ରବଳ ଆର୍ଥିକ ଅନଟନ ସତ୍ତ୍ୱେ ସେ ହାର୍ ନମାନି ୨୦୧୯ ମସିହାରେ କଠିନ ସି.ଏ. ଫାଇନାଲ୍ ପରୀକ୍ଷାରେ କୃତକାର୍ଯ୍ୟ ହୋଇଥିଲେ । ଆଜି ସେ ଜଣେ ପ୍ରତିଷ୍ଠିତ ବୃତ୍ତିଗତ ଅଧିକାରୀ ଭାବେ ନିଜର ପରିଚୟ ସୃଷ୍ଟି କରିଛନ୍ତି । ଓ.ସି.ଏଲ୍. (OCL) ଆଇରନ୍ ଆଣ୍ଡ ଷ୍ଟିଲ୍ ପରି କର୍ପୋରେଟ୍ ସଂସ୍ଥାରେ କାର୍ଯ୍ୟ କରି ସେ ଶାରୀରିକ ଶ୍ରମରୁ ଏକ ସମ୍ମାନଜନକ 'ହ୍ୱାଇଟ୍-କଲର୍' (White-collar) କ୍ୟାରିୟର୍‌କୁ ସଫଳତାର ସହ ପରିବର୍ତ୍ତିତ ହୋଇପାରିଛନ୍ତି।

ଉତ୍ସ